डॉ. अनिल भतपहरी सचिव छत्तीसगढ़ राजभाषा आयोग के सियानी म उरकिस जिला समन्वयक मनके बइठका,
डॉ. अनिल भतपहरी सचिव छत्तीसगढ़ राजभाषा आयोग के सियानी म उरकिस जिला समन्वयक मनके बइठका, कार्यकाल के पहिली सफल आयोजन खातिर संसदीय सचिव, विभाग के सचिव, संचालक संग साहित्यकार मन दिस बधाई
- बलौदाबाजार-भाटापारा जिला म होही आयोग के 7वां प्रांतीय सम्मेलन
- वार्षिक कलेंडर के मुताबिक बछर भर होही भाखा के संवर्धन बर बुता
- 28 नंबर ले सात दिन तक मनाये जाही छत्तीसगढ़ी राजभाषा दिवस पखड़ाया
-जशपुर अउ बीजापुर म तको बइठा के आयोजन करे जाही
- कविता, कहानी के अलावा आन विधा के लेखन बर तको प्रोत्साहित करही आयोग
-कोरोना काल के बाद बड़का अधिकारी मनके छत्तीसगढ़ी प्रशिक्षण के बुता म तेजी आही
रायपुर:-- छत्तीसगढ़ राजभाषा आयोग के जिला समन्वयक मनके बइठका आज रायपुर के संस्कृति भवन के महंत सर्वेश्वर दास सभागार म होइस। आयोग के नवा सचिव डॉ. अनिल भतपहरी के कार्यकाल के ये पहिली आयोजन बड़ सुघ्घर ढंग ले उरकिस। ये मउका माई पहुना के रूप म प्रदेश सरकार म संसदीय सचिव कुवंर सिंह निषाद जी जलसा म वर्चअल रूप जुरे रिहिस। संग म संस्कृति विभाग के सचिव अन्बलगन पी., संचालक विवेक आचार्य अउ खास पहुना जागेश्वर प्रसाद, श्रीमती सरला शर्मा, रामेश्वर शर्मा, डॉ. जे.आर.सोनी, डॉ. सुखदेव राम साहू, डॉ. देवधर महंत, श्री डुमन लाल ध्रुव जी संग सबो जिला समन्वयक मन जुरियाए रिहिस।
Comments
Post a Comment